Futbol bo‘yicha Yevro—2020 musobaqasi E guruhidan joy olgan jamoalar o‘rtasidagi 3-tur o‘yinlari 23-iyun kuni bo‘lib o‘tdi.
Ispaniya terma jamoasi Slovakiyaga qarshi bahs olib bordi. Uchrashuvning 30-daqiqasida Dubravka kutilmaganda o‘z darvozasini ishg‘ol qilib qo‘ydi. Birinchi bo‘lim yakunida Aymerik Lyaport ispanlarning ikkinchi golini urdi. “Qizil furiya” ikkinchi bo‘limda raqib darvozasiga yana uchta to‘p kiritdi. Pablo Sarabiya va Ferran Torres o‘z hisobiga gol yozdirib qo‘ygan bo‘lsa, 71-daqiqasida Yuray Kutska avtogol muallifi bo‘ldi.
Guruhdagi ikkinchi o‘yin Shvetsiya va Polsha terma jamoalari o‘rtasida kechdi. O‘yin debyutida Emil Forsberg shvedlarni oldinga olib chiqdi. 59-daqiqada yana Forsberg Polsha darvozasini ishg‘ol qildi. Bunga polyaklar Robert Levandovskining dubli bilan javob qaytardi. Hakam tomonidan qo‘shib berilgan vaqtda Viktor Klasson Shvetsiyaning g‘alaba to‘pini kiritdi.
Shu tariqa Shvetsiya 7 ochko bilan guruhda birinchi o‘rinni oldi, Ispaniya (5) esa ikkinchi pog‘ona bilan keyingi bosqichga chiqdi. Slovakiya va Polsha guruhda qolib ketdi. Slovakiyaning omadsiz harakati, Ukrainani keyingi bosqichga olib chiqdi.
Yevro—2020
E guruhi, 3-tur
23-iyun, seshanba
Slovakiya — Ispaniya 0:5
Gollar: 0:1 – 30, avtogol Dubravka, 0:2 – 45 Lyaport, 0:3 – 56 Sarabiya, 0:4 – 67 Ferran Torres, 0:5 – 71, avtogol Kutska.Slovakiya: Dubravka, Shatka, Pekarik, Gubochan, Shkrinyar, Gamshik (Benesh, 90), Garaslin (Suslov, 69), Mak (Vayss, 69), Gromada (Lobotka, 46), Duda (Dyurish, 46), Kutska.
Ispaniya: Unai Simon, Erik Garsiya (Pau Torres, 71), Lyaport, Aspilikueta (Oyarsabal, 77), Alba, Koke, Buskets (Tiago Alkantara, 71), Sarabiya, Pedri, Xerar Moreno (Traore, 77), Morata (Ferran Torres, 66).
Ogohlantirishlar: Duda (12), Buskets (40), Alba (60), Shkrinyar (90).
Shvetsiya — Polsha 3:2
Gollar: 1:0 – 2 Forsberg, 2:0 – 59 Forsberg, 2:1 – 61 Levandovski, 2:2 – 84 Levandovski, 3:2 – 90+3 Klasson.Shvetsiya: Olsen, Augustinsson, Lindelef, Lyustig (Kraft, 68), Danielsson, Olsson, Ekdal, Forsberg (Klasson, 77), Larsson, Kvayson (Kulusevski, 55), Isak (Berg, 68).
Polsha: Shchensni, Bereshinski, Bednarek, Glik, Puxach (Frankovski, 46), Klix (Kozlovski, 73), Zelinski, Yuzvyak (Shverchok, 61), Krixovyak (Plaxeta, 78), Shviderski, Levandovski.
Ogohlantirishlar: Danielsson (10), Krixovyak (74), Glik (83).
Izoh (0)