Футбол бўйича Евро—2020 мусобақасининг F гуруҳида 3-тур ўйинлари 23 июнь, чоршанба куни бўлиб ўтди.
Португалия терма жамоаси Францияга қарши баҳс олиб борди. Учрашувнинг 30-дақиқасида Криштиану Роналду пенальтини аниқ амалга оширган ҳолда ҳисобни очди. Биринчи бўлимга қўшиб берилган вақтда Карим Бензема португаллар дарвозаси томон белгиланган пенальтини голга айлантирди.
Иккинчи бўлим дебютида Бензема иккинчи голини урди. Бунга Португалия 60-дақиқада жавоб берди: Роналду яна пенальтидан унумли фойдаланди. Шу билан ҳисоб ўйин якунига қадар ўзгармади.
Гуруҳнинг иккинчи ўйини Германия ва Венгрия ўртасида кечди. 11-дақиқада Адам Салаи венгерларни олдинга олиб чиқди. 66-дақиқада Кай Ҳаверц мувозанатни тиклади. Бироқ орадан икки дақиқа ўтар-ўтмас Андраш Шефер Венгриянинг иккинчи голини урди. 84-дақиқада Леон Горетцка ҳисобни тенглаштирди. Қолган вақтда ҳисоб ўзгармади.
Шу тариқа Франция терма жамоаси 5 очко билан гуруҳни биринчи ўринда якунлади. Германия (4) иккинчи, Португалия (4) эса учинчи ўрин билан кейинги босқичга йўл олди.
Евро—2020
F гуруҳи, 3-тур
23 июнь, чоршанба
Португалия — Франция 2:2
Голлар: 1:0 – 30, пенальти Роналду, 1:1 – 45, пенальти Бензема, 1:2 – 47 Бензема, 2:2 – 60, пенальти Роналду.Португалия: Руй Патрисиу, Семеду (Диогу Далот, 79), Рубен Диаш, Пепе, Геррейру, Моутинью (Рубен Невеш, 73), Саншеш (Сержиу Oliveйра, 88), Бернарду Сильва (Бруну Фернандеш, 72), Данилу Перейра (Палиня, 46), Диогу Жота, Роналду.
Франция: Льорис, Кунде, Варан, Люка Эрнандес (Дин, 46; Рабьо, 52), Кимпембе, Погба, Канте, Толиссо (Коман, 66), Бензема, Гризманн (Сиссоко, 87), Мбаппе.
Огоҳлантиришлар: Льорис (27), Люка Эрнандес (36), Гризманн (39), Кимпембе (83).
Германия — Венгрия 2:2
Голлар: 0:1 – 11 Салаи, 1:1 – 66 Ҳаверц, 1:2 – 68 Шафер, 2:2 – 84 Горетцка.Германия: Нойер, Ҳуммелс, Рюдигер, Гинтер (Фолланд, 82), Гозенс (Мусиала, 82), Киммих, Гундўған (Горетцка, 58), Ҳаверц (Вернер, 67), Кроос, Сане, Гнабри (Мюллер, 67).
Венгрия: Гулачи, Салаи, Ботка, Орбан, Него, Шафер, Кляйнхайслер (Ловренчич, 89), Шаллаи (Шен, 75), Над, Фиола (Николич, 88), Салаи (Варга, 82).
Огоҳлантиришлар: Ботка (28), Гундўған (29), Сане (61), Салаи (64), Фиола (66).
Изоҳ (0)