Sambo bo‘yicha og‘ir vazn toifasida harakat qiluvchi o‘zbekistonlik Dilshod Choriyev antidoping qoidalarini buzganligi sabab 4 yil muddatga barcha sport musobaqalaridan chetlatildi. Bu haqda Milliy antidoping agentligi (UzNADA) ma’lum qildi.
2021-yilning mart oyida Rossiyada bo‘lib o‘tgan sambo bo‘yicha “Memorial Xarlampiyev” xalqaro musobaqasida Choriyevning dopingga topshirgan testidan meldoniy taqiqlangan moddasi aniqlangan. Bu musobaqada og‘ir vazn toifasida harakat qiluvchi sportchi kumush medalga ega chiqqandi.
Xalqaro sambo federatsiyasining axloq qo‘mitasi 23-iyun kungi Dilshod Choriyev borasida qaror qabul qildi. Unga ko‘ra, Choriyev 4 yil muddatga diskvalifikatsiya qilindi. Sportchi 2021-yil 7-maydan 2025-yil 6-mayga qadar har qanday sport tadbirlarida ishtirok etish huquqidan mahrum qilindi.
Mavzuga doir: Bektemir Meliqo‘ziyev antidoping qoidalarini buzganligi bois 4 yilga diskvalifikatsiya qilindi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)