Самбо бўйича оғир вазн тоифасида ҳаракат қилувчи ўзбекистонлик Дилшод Чориев антидопинг қоидаларини бузганлиги сабаб 4 йил муддатга барча спорт мусобақаларидан четлатилди. Бу ҳақда Миллий антидопинг агентлиги (UzNADA) маълум қилди.
2021 йилнинг март ойида Россияда бўлиб ўтган самбо бўйича «Мемориал Харлампиев» халқаро мусобақасида Чориевнинг допингга топширган тестидан мелдоний тақиқланган моддаси аниқланган. Бу мусобақада оғир вазн тоифасида ҳаракат қилувчи спортчи кумуш медалга эга чиққанди.
Халқаро самбо федерациясининг ахлоқ қўмитаси 23 июнь кунги Дилшод Чориев борасида қарор қабул қилди. Унга кўра, Чориев 4 йил муддатга дисквалификация қилинди. Спортчи 2021 йил 7 майдан 2025 йил 6 майга қадар ҳар қандай спорт тадбирларида иштирок этиш ҳуқуқидан маҳрум қилинди.
Мавзуга доир: Бектемир Мелиқўзиев антидопинг қоидаларини бузганлиги боис 4 йилга дисквалификация қилинди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)