O‘zbekistonda elektron xizmatlar ko‘rsatuvchi xorijiy kompaniyalar 78 milliard so‘mdan ortiq soliq to‘lagan.
Soliq qo‘mitasi matbuot xizmati ma’lumotlariga ko‘ra, mamlakatda elektron xizmatlar ko‘rsatuvchi 72 ta xorijiy kompaniya tomonidan 2025-yilni I-yarim yilligida 78,2 milliard so‘m soliq to‘langan. Bu 2024-yilning mos davriga nisbatan 42 foizga ko‘p.
2024-yil yanvar—iyun oylarida O‘zbekistonda elektron xizmatlar ko‘rsatuvchi 60 ta xorijiy kompaniya tomonidan 48,4 milliard so‘m soliq to‘langandi.
To‘langan soliqlarning 94 foizi elektron xizmatlar ko‘rsatuvchi quyidagi 10 ta xorijiy kompaniyalar hissasiga to‘g‘ri keladi:
- Meta — 22,6 mlrd so‘m;
- Apple — 22,1 mlrd so‘m;
- Google — 19,4 mlrd so‘m;
- OpenAI — 2,9 mlrd so‘m;
- Всоm — 1,9 mlrd so‘m;
- TikTok — 1,8 mlrd so‘m;
- Netflix — 896,2 mln so‘m;
- Acca — 797,1 mln so‘m;
- Zoom — 786,7 mln so‘m;
- Adobe — 530,8 mln so‘m.
Elektron xizmatlar ko‘rsatuvchi chet el yuridik shaxslari o‘tgan chorakdan keyingi oyning 20-kunidan kechiktirmay soliq hisobotlarini taqdim etadi va soliqlarni to‘laydi.
Joriy yilning yanvar—iyun oylari davomida 5 ta kompaniya hisobdan chiqarilib, 14 ta kompaniya hisobga qo‘yilgan. 2025-yil yanvarida 63 ta kompaniya bo‘lgan, 2025-yil iyuliga kelib ularning soni 72 taga yetgan.
Izoh (0)