Namangan muhandislik-qurilish institutida 27-iyun— Matbuot va ommaviy axborot vositalari xodimlari kuni arafasida media markazning ochilish marosimi bo‘lib o‘tdi. Bu haqda “Daryo” muxbiri xabar bermoqda.
Tadbir oldidan matbuot anjumani o‘tkazildi. Unda institut rektori Sharifboy Ergashev OAV vakillariga Namangan muhandislik-qurilish institutining bugungi kuni va istiqboldagi rejalar haqida to‘xtalib o‘tdi. Jurnalistlarni qiziqtirgan savollarga batafsil javob berdi.
Oliy o‘quv yurti bilan faol hamkorlik qilib kelayotgan bir guruh OAV vakillari bayram munosabati bilan taqdirlandi.
Shundan so‘ng institut media markazining ochilish marosimi bo‘lib o‘tdi.
Media markaz matbuot kotibi xonasi va studiyadan iborat.
“Studiyada foto va videolavhalar tayyorlash, intervyular olish hamda ko‘rsatuvlar yozish uchun barcha sharoitlar yaratilgan. Jumladan, xona akustika talablari asosida barpo etilgan bo‘lib, ovoz yutish xususiyatiga ega, eng so‘nggi rusumdagi audio va videotexnika bilan jahozlangan”, — deydi institut matbuot kotibi Azizbek Abduvaliyev.
Namangan muhandislik-qurilish instituti media markazining ochilish marosimida viloyat hokimining o‘rinbosari Botir Nuriddinov ishtirok etdi.
Izoh (0)