Shimoliy Qozog‘iston viloyati politsiya xizmatining avtoparki yangi xizmat mashinalari bilan to‘ldirildi. Mashinalarning barchasi viloyat budjetidan sotib olingan bo‘lib, ular mahalliy politsiya inspektorlari ishida qulayliklar yaratish uchun mo‘ljallangan, deb xabar beradi Tengrinews.
Ma’lum qilinishicha, Qozog‘iston politsiyasi kuni arafasida mahalliy zavodda ishlab chiqarilgan 86 ta yangi Chevrolet Cobalt avtomobil kalitlari Shimoliy Qozog‘iston viloyati hokimi Kumar Aksakalov tomonidan tantanali ravishda topshirilgan.
“SariarkaAvtoProm” kompaniyasi yangilangan avtopark militsiya xodimlariga imkon qadar tezroq harakat qilish, jinoyatchilikni oldini olish va kamaytirish vazifalarini yetarli darajada bajarishga imkon berishiga ishonadi.
Ma’lumot uchun, Qozog‘iston bozorida Chevrolet brendi sotuvda yetakchi o‘rinni egallab turibdi, xususan, 2021-yilning dastlabki besh oyida eng ko‘p sotilgan modellardan biri — bu Chevrolet Cobalt modeli hisoblanadi.
Eslatib o‘tamiz, 2020-yilning martida UzAuto Motors Qozog‘istonda Chevrolet ishlab chiqarishni boshlagan. Dastlabki bosqichda ishlab chiqarish hajmi yiliga 26 000 transport vositasini tashkil qiladi, kelgusida uni 100 000 donaga yetkazish ko‘zda tutilgan.
Izoh (0)