Шимолий Қозоғистон вилояти полиция хизматининг автопарки янги хизмат машиналари билан тўлдирилди. Машиналарнинг барчаси вилоят бюджетидан сотиб олинган бўлиб, улар маҳаллий полиция инспекторлари ишида қулайликлар яратиш учун мўлжалланган, деб хабар беради Tengrinews.
Маълум қилинишича, Қозоғистон полицияси куни арафасида маҳаллий заводда ишлаб чиқарилган 86 та янги Chevrolet Cobalt автомобиль калитлари Шимолий Қозоғистон вилояти ҳокими Кумар Аксакалов томонидан тантанали равишда топширилган.
«СариаркаАвтоПром» компанияси янгиланган автопарк милиция ходимларига имкон қадар тезроқ ҳаракат қилиш, жиноятчиликни олдини олиш ва камайтириш вазифаларини етарли даражада бажаришга имкон беришига ишонади.
Маълумот учун, Қозоғистон бозорида Chevrolet бренди сотувда етакчи ўринни эгаллаб турибди, хусусан, 2021 йилнинг дастлабки беш ойида энг кўп сотилган моделлардан бири — бу Chevrolet Cobalt модели ҳисобланади.
Эслатиб ўтамиз, 2020 йилнинг мартида UzAuto Motors Қозоғистонда Chevrolet ишлаб чиқаришни бошлаган. Дастлабки босқичда ишлаб чиқариш ҳажми йилига 26 000 транспорт воситасини ташкил қилади, келгусида уни 100 000 донага етказиш кўзда тутилган.
Изоҳ (0)