Xitoyda emlanish bo‘yicha eng yaxshi reklama roligi paydo bo‘ldi: unda antitana koronavirusni bolg‘alar bilan uradi. Bosh qahramon esa mushuk

Xitoydagi Bilibili videoservisida koronavirusga qarshi vaksina qanday ishlashi tushuntirib berilgan animatsion rolik paydo bo‘ldi, deb yozadi Meduza.

Rolikda mushuk koronavirusga qarshi emlangan va uning antitanalari virusni tanishga o‘rgatilgan va bu voqea qahramonlargacha “o‘z jonini qurbon qilish” orqali amalga oshirilgan.

Bosh qahramon koronavirus infeksiyasiga chalingan pandani uchratganida (aslida uning o‘rnida ko‘rshapalak yoki viverra (yirtqich sut emizuvchi — tahr.) bo‘lishi kerak) uning koronavirusni taniy oladigan antitanasi “mehmonni” bolg‘alar bilan urib o‘ldiradi. “Umuman olganda, mushuklar rostan ham barcha narsani, ayniqsa, vaksinatsiya reklamasini yaxshi qiladi”, — deyiladi xabarda.

https://twitter.com/DerArto/status/1407208610652950528

Ma’lumot uchun, O‘zbekistonda 21-iyun holatiga ko‘ra, koronavirusga qarshi 2 918 909 doza vaksinadan foydalanilgan bo‘lib, hozirga qadar mamlakatda vaksina bilan emlanganlar soni 1 723 372 kishini tashkil etmoqda.