Fransiya shimoli-g‘arbidagi Bretan tumanida Ksavye Buje ismli 80 yoshli nafaqaxo‘r kaptar bilan do‘stlashib oldi, deb xabar beradi Esquire.
The Guardian’ning yozishicha, noodatiy do‘stlik Buje kichkina kaptarning hayotini saqlab qolganidan so‘ng boshlangan. Kunlarning birida Ksavye uyi oldida xavotirli voqeaning guvohiga aylangan: hali oyoqda turishni o‘rganmagan kaptar bolasi mushukdan berkinishga uringan.
“Kuni o‘xshamagan yana bir jonzot”, — deya hayolidan o‘tkazgan nafaqaxo‘r uyiga kirib ketgan.
Sodir bo‘lgan voqeani rafiqasiga aytganida, ayol Ksavyedan nima uchun qushni qutqarmaganini so‘ragan. Natijada fransuz kaptarga yordam berishga qaror qilgan va uni Blanshon deb atagan.
“Hamyonimga Blanshonni solgan holda uyga qaytdim”, — deya eslaydi Buje.
Shundan buyon erkak va kaptar ajralmas do‘stga aylangan. Ko‘pchilik fransuzdan qanday qilib qushni qo‘lga o‘rgatganini so‘raydi:
“Har qanday inson hayvon bilan aloqani yo‘lga qo‘ya oladi. Avvalo hayvonni uning mavjudligi uchun hurmat qilish kerak, axir ushbu jonzot biz bilan bitta sayyorada yashaydi. Ular qanday yashashini tushunish uchun sabr qilish va ular bizning hayotga moslashgani kabi biz ham ularning hayotiga moslashishimiz kerak”.
Izoh (0)