Dunyodagi birinchi “garmoshka” televizor 400 ming dollar narxida taqdim etildi (video)

Katta kvartiralar va dala hovlilar uchun premium televizorlarni ishlab chiqarish bilan shug‘ullanuvchi C SEED kompaniyasi dunyoda birinchi bo‘lib xuddi “garmoshka” kabi yig‘iladigan M1 televizorini taqdim etdi, deb xabar beradi Hi-Tech.Mail.ru.

Ushbu televizor ekrani sharnirlar yordamida to‘rtta joyidan buklanadi — displey beshta seksiyadan iborat, biroq yoyilgan holatda u ko‘zga tashlanmaydigan hoshiyalarsiz, yagona panel kabi. Mazkur konstruksiya televizorni polga yashirish mumkin bo‘lishi uchun o‘ylab topilgan. Panel tom ma’noda uy egalarining ko‘z o‘ngiga poldan chiqib keladi va yoyiladi.

Tabiiy televizor juda katta — diagonali 165 dyuym. Uy uchun 55 dyuymli modellar standart katta televizor hisoblanadi. C SEED M1 televizori esa 4 K sifatni qo‘llab-quvvatlovchi microLED matritsaga ega bo‘lgan. Shuningdek, 1000 nit yorug‘likning yuqori nuqtasi va yaxshi ichki akustika va’da qilinmoqda.

C SEED televizori juda qimmat hashamat bo‘lgani sabab u faqat buyurtma asosida tayyorlanadi va juda qimmat narxda sotiladi — 400 ming dollar. Butun konstruksiyani polga joylashtirishga qancha mablag‘ sarflanishi noma’lum.

Avvalroq LG kompaniyasi oynachaga ega, o‘raladigan televizorni o‘ylab topgani to‘g‘risida xabar berilgandi.