Xitoylik Yu Szyansa dunyodagi eng uzun kipriklar egasi. Kipriklari 2015-yildan boshlab sezilarli o‘sishni boshlagan ayolning ismi oradan ikki yil o‘tib Ginnesning rekordlar kitobidan o‘rin oldi. Bu vaqtda uning kipriklari 13 santimetr uzunlikda bo‘lgan.
2020-yilda esa kipriklari 20,5 santimetr bo‘lgan ayol o‘zining rekordini yangilagan. Kipriklarining bunchalik uzunligi sababini na shifokorlar, na ayolning o‘zi biladi. “Men uchragan bir qancha shifokorlar hech qanday muammo topishmagan va meni shunchaki mo‘jiza deb atashgan. Keyinchalik men buni gen va irsiyat bilan bog‘liq, deb o‘ylay boshladim, ammo qarindoshlarimda bunday o‘ziga xoslik yo‘q”, — degan Yu.
Xitoylik ayol kipriklari bilan birga salomatligi mustahkamlangani sabab ham buni ilohiy inoyat deb hisoblaydi. “Qizig‘i, men bolaligimda juda nimjon va ko‘p kasal bo‘lganman, kipriklarim o‘sishni boshlaganidan keyin esa salomatligim jismonan yaxshilana boshladi”, — degan ayol.
Ayolning aytishicha, ushbu o‘ziga xoslik unga makiyajga vaqt tejashga yordam beradi. Uzun kipriklari xalaqit qilmasligi uchun ularni qulog‘ining orqasiga o‘tkazib oladi. U Ginnesning rekordlar kitobidan o‘rin olganidan juda ham xursand.
Izoh (0)