Yaponiyaning Goku no Kimochi The Labo tajriba laboratoriyasida mamlakatning mashhur do‘konlar tarmog‘ida pishiriladigan “qovun noni”dan niqob yaratdi. Ijtimoiy tarmoqlarda bu kabi niqoblarni taqib yurgan fuqarolarning videosi tarqalib ulgurgan, deb xabar beradi “Korrespondent.net”.
Niqob non ko‘rinishiga ega. U yuzga oddiy niqob kabi ip bilan taqiladi. Niqob Unitika Garmentec tadqiqot institutida “IS3” sifatida muvaffaqiyatli sinovdan o‘tkazilgan.
Test natijalarining ko‘rsatishicha, nonli niqob oddiy niqoblardan ko‘ra infeksiyadan yaxshiroq himoyalanish darajasini taqdim etadi. Shu sababli ekspertlarning ta’kidlashicha, niqobdan himoyalanish maqsadida foydalanish mumkin.
Shu bilan birga, kopmaniya yaqin kunlarda “nonxo‘r insonning orzularini ro‘yobga chiqarish maqsadida dunyodagi eng baxtli niqob”ni chiqarishni rejalashtirmoqda. “Shirin” himoya vositasi 10-iyundan sotuvga chiqqan.
Ta’kidlanishicha, bu turdagi niqoblar internet do‘konlari orqali besh donali qadoqda 16,44 dollardan sotilmoqda.
Avvalroq Fransiyada koronavirusni yo‘q qiluvchi niqob yaratilgani, Yaponiyada nutqni tarjima qilish funksiyasiga ega niqob taqdim etilgani to‘g‘risida xabar berilgandi.
Mavzuga doir: LG havo tozalagichli maxsus niqob yaratdi
Izoh (0)