Amerikalik ayolning o‘n oylik o‘g‘li Tesla avtomobilining yangi funksiyalari uchun 10 837 dollar “sarflab yubordi”. Sodir bo‘lgan voqeani so‘zlab bergan onaning videosi TikTok’da tarqalgan, deb xabar beradi “Korrespondent.net”.
Ayolning so‘zlariga ko‘ra, u oshxonada ovqat pishirayotgan vaqtda bolakay uning iPad’ini o‘ynayotgan bo‘lgan va o‘zi bilmagan holda qimmat turuvchi xaridni rasmiylashtirib yuborgan.
Ona amalga oshirilgan xarid haqida bank chekini tekshirgach, xabar topgan. Shu bilan birga, xarid qilingan “mahsulot”ni qaytarishning imkoni bo‘lmagan, chunki oradan 48 soatdan ortiq vaqt o‘tib ketgan.
Video ostidagi izohlardan ko‘rish mumkinki, hamma ham ayolning so‘zlariga ishonmagan. Ko‘plab foydalanuvchilar bolakay bu kabi qimmat xaridni amalga oshirganiga ishonmagan, chunki bank shuncha pul yechilishida qo‘shimcha jarayonlarni tasdiqlashni ham so‘raydi.
Eslatib o‘tamiz, iyun o‘rtalarida germaniyalik erkak tasodifan 27 ta Tesla Model 3 elektromobiliga buyurtma berib yuborgan edi.
Izoh (0)