Internetda AQShning Minnesota shtatiga qarashli xususiy orolda joylashgan hashamatli Windermere qarsining suratlari paydo bo‘ldi. Koshona ichida beshta yotoqxonadan tashqari, sakkizta avtomobilga mo‘ljallangan maxfiy garaj va o‘z “avtomoyka”si bor. Qarorgohning oldingi egasi to‘rt yilga qamalgani sabab, noyob loyihaning qurilish ishlari to‘xtab qolgan, deb xabar beradi Motor.
Windermere koshonasini qurish 2003-yilda boshlangan, biroq oradan uch yil o‘tgach, uning egasi soliq to‘lamagani uchun qamoqqa olingan. Oradan qariyb 20 yil o‘tgach, inshootni qurish ishlari yakunlangan. Xususiy orolda joylashgan hashamatli loyiha 1296 kvadrat metr maydonga ega ulkan koshonani o‘z ichiga oladi. Hududga faqat yagona tor ko‘prik orqali borish mumkin.
To‘rt qavatli bino ichida beshta yotoqxona, to‘qqizda vannaxona, shaxsiy kinoteatr va sauna, shuningdek, lift va bir nechta dam olish xonalari mavjud. Qasrning o‘ziga xos jihati — sakkizta avtomobilga mo‘ljallangan yer osti garaji va shaxsiy “avtomoykasi”. Maxfiy hududga faqat maskirovka qilingan tunnel orqali borish mumkin.
Noma’lum sabablarga ko‘ra, Windermere’ning hozirgi egasi koshonani sotuvga qo‘ygan. Noyob loyihani 15 million dollarga xarid qilish mumkin.
Avvalroq Britaniyada olov purkovchi ajdahosi bo‘lgan qal’a sotuvga qo‘yilgani, pandemiya tufayli dunyoda xususiy orollarga talab ortib borayotgani to‘g‘risida xabar berilgandi.
Izoh (0)