May oxirlarida ijtimoiy tarmoqlarda Toshkent viloyati hududidagi Shovvozsoy daryosining quyi oqimi chiqindixonaga aylangani tasvirlangan suratlar tarqalgan edi. Viloyat Ekologiya va atrof-muhitni muhofaza qilish boshqarmasining ma’lum qilishicha, chiqindilar mutasaddi tashkilotlar hamkorligida bartaraf etilgan.
“Ijtimoiy tarmoqlarda Ohangaron tumani hududidan oqib o‘tuvchi Shovvozsoy soyining quyi oqimlarida turli xildagi chiqindilar to‘planib, atrof-muhit holatiga salbiy ta’sir ko‘rsatayotgani haqida ta’kidlab o‘tilgan xabar tarqalgan. Holat Toshkent viloyati Ekologiya va atrof-muhitni muhofaza qilish sohasidagi nazorat bo‘yicha Ohangaron tumani inspeksiyasi xodimlari tomonidan mutasaddi tashkilotlar hamkorligida bartaraf etildi”, — deyiladi xabarda.
Eslatib o‘tamiz, 2020-yilning martida Ekologiya va atrof-muhitni muhofaza qilish qo‘mitasi raisi boshchiligidagi mutasaddilar Ohangaronda joylashgan Toshkent maishiy chiqindi poligoni hamda Yashnobod tumani chiqindilarni qayta yuklash stansiyasidagi holatni o‘rgangan edi. O‘shanda Ohangarondagi maishiy chiqindi poligoni sanitar holati qoniqarsiz ekanligi qayd etilib, uning atrof-muhitga salbiy ta’sirining oldini olish va hududni obodonlashtirish chora-tadbirlari belgilangandi.
Izoh (0)