Joze Mourinyo Krishtianu Ronalduni “Roma”ga taklif qildi

“Roma” bosh murabbiyi Joze Mourinyo “Yuventus” hujumchisi Krishtianu Ronalduni o‘z jamoasiga taklif qildi, deb yozmoqda SportMediaset.

Manbaga ko‘ra portugaliyalik mutaxassis hujumchining “Yuventus”dan ketishi haqidagi mish-mishlar fonida vatandoshining rejalarini bilish uchun unga qo‘ng‘iroq qilgan va Ronalduga “Roma”ga o‘tish variantini ko‘rib chiqishni taklif qilgan.

Qayd etilishicha, “Roma”ga o‘tish Ronalduga soliq to‘lash nuqtai nazaridan manfaatliroq bo‘ladi. Boisi u Yevropaning boshqa yuqori ligalariga nisbatan Italiyada o‘zi uchun qulay sharoitga ega va agar Rim klubiga o‘tsa, bu imkoniyatlarni o‘zida saqlab qoladi.

Avvalroq Ronalduning “Yuventus”dan ketmoqchi ekanligi va jamoadoshlari bilan xayrlashgani haqida xabarlar tarqalgandi.

36 yoshli Ronaldu A Seriyaning ortda qolgan mavsumida 33 o‘yinda maydonga tushib, 29 ta gol urdi va liganing eng yaxshi to‘purariga aylandi. Bungacha u Mourinyo bilan “Real”da birga ishlagan.