Ўзбекистонда 2021 йилда 2 минг 400 та, келгуси 2 йилда 4 минг 100 та кўп квартирали уйлар таъмирланади. Бу ҳақда айни пайтда Президент Шавкат Мирзиёев раислигида ўтказилаётган йиғилишда давлат раҳбари сўз юритди, дея хабар бермоқда «Дарё» мухбири.
«Шу йил охирига қадар 66 та уйлар маҳаллий бюджет ҳисобидан ёки тадбиркорлар билан бирга қуриб берилади.
Камолов, Сариев – 45 та, Ҳидоятов – 8 та, Мирзаев – 6 та, Солиев, Турсунов, Боболов – 2 тадан, Абдураҳмонов – 1 та яроқсиз уй-жойни маҳаллий бюджет ҳисобидан қуриш бўйича бир ой муддатда ишларни бошласин.
Қорақалпоғистонда яроқсиз уйлар кўплигини инобатга олиб, Раматов, Ҳидоятов, Ишметов, Бобоев бир ҳафта муддатда жойига чиққан ҳолда 41 таси уйни янгилашнинг молиявий манбаларини ҳал қилсин. Шунингдек, Назиров вилоят, туман ва шаҳар ҳокимлари билан бирга 2021 йилда 456 та авария ҳолатидаги уйларни таъмирлаш ишларини якунига етказсин.
Ушбу мақсадларга 2021 йилда Ишметов 100 миллиард сўм, вилоят ҳокимлари 60 миллиард сўм ажратади», – деди Шавкат Мирзиёев.
Бундан аввал Шавкат Мирзиёев «Шаффоф қурилиш» тизими орқали бир ойда қанча маблағ иқтисод қилинганини айтгани ҳамда «Обод қишлоқ» ва «Обод маҳалла» дастурлари ижросини танқид қилгани ҳақида хабар берилганди.
Изоҳ (0)