Toshkent shahrida 28-may kuni O‘zbekiston—Qozog‘iston qo‘shma demarkatsiya komissiyasidagi O‘zbekiston va Qozog‘iston hukumat delegatsiyalarining 83-yig‘ilishi o‘z ishini yakunladi, deb xabar bermoqda “Dunyo” axborot agentligi.
24—28-may kunlari tomonlar davlatlararo chegara demarkatsiyasi bo‘yicha yakuniy hujjatlarni muhokama qilish va tayyorlashni davom ettirdi.
Navbatdagi uchrashuv Qozog‘istonda iyun oyida o‘tkazilishi mo‘ljallangan.
Eslatib o‘tamiz, 10—14-may kunlari Nur-Sulton shahrida o‘tgan yig‘ilishda tomonlar Qozog‘istonning Turkiston viloyatiga tutash Sirdaryo va Jizzax viloyatlari doirasida davlat chegarasining bir qismini demarkatsiya qilish uchun yakuniy hujjatlar loyihasini tayyorlashni davom ettirgan edi.
O‘zbekiston va Qozog‘iston o‘rtasida O‘zbekiston—Qozog‘iston davlat chegarasini demarkatsiya qilish to‘g‘risidagi bitim loyihasi ham muhokama qilindi.
Bundan avval O‘zbekiston bilan chegarada joylashgan ikkita qishloq rasman Qozog‘iston tarkibiga kiritilgani, Qozog‘istondagi O‘zbekiston fuqarolaridan 5-iyunga qadar mamlakatda qolishni qonuniylashtirish talab etilishi hamda Qozog‘istonda o‘zbekistonlik haydovchi 147 marotaba yo‘l harakati qoidalarini buzgani ma’lum bo‘lgani ma’lum qilingandi.
Izoh (0)