Тошкент шаҳрида 28 май куни Ўзбекистон—Қозоғистон қўшма демаркация комиссиясидаги Ўзбекистон ва Қозоғистон ҳукумат делегацияларининг 83-йиғилиши ўз ишини якунлади, деб хабар бермоқда «Дунё» ахборот агентлиги.
24—28 май кунлари томонлар давлатлараро чегара демаркацияси бўйича якуний ҳужжатларни муҳокама қилиш ва тайёрлашни давом эттирди.
Навбатдаги учрашув Қозоғистонда июнь ойида ўтказилиши мўлжалланган.
Эслатиб ўтамиз, 10—14 май кунлари Нур-Султон шаҳрида ўтган йиғилишда томонлар Қозоғистоннинг Туркистон вилоятига туташ Сирдарё ва Жиззах вилоятлари доирасида давлат чегарасининг бир қисмини демаркация қилиш учун якуний ҳужжатлар лойиҳасини тайёрлашни давом эттирган эди.
Ўзбекистон ва Қозоғистон ўртасида Ўзбекистон—Қозоғистон давлат чегарасини демаркация қилиш тўғрисидаги битим лойиҳаси ҳам муҳокама қилинди.
Бундан аввал Ўзбекистон билан чегарада жойлашган иккита қишлоқ расман Қозоғистон таркибига киритилгани, Қозоғистондаги Ўзбекистон фуқароларидан 5 июнга қадар мамлакатда қолишни қонунийлаштириш талаб этилиши ҳамда Қозоғистонда ўзбекистонлик ҳайдовчи 147 маротаба йўл ҳаракати қоидаларини бузгани маълум бўлгани маълум қилинганди.
Изоҳ (0)