Cars sayti dunyodagi eng arzon avtomobil hisoblanuvchi Bajaj Qute mikromashinasi hamda velosiped o‘rtasida poyga uyushtirdi. Qute’ga 13 ot kuchiga ega motor o‘rnatilgan bo‘lsa, velosipedni professional poygachi boshqargan, deb xabar beradi Motor.
Kvadrotsikl 13 ot kuchi va 19 Nm aylanuvchi momentga ega 216 santimetr kubli bir silindrga ega motor bilan jihozlangan. Bu kabi agregat bilan u soatiga 70 kilometr tezlikda harakatlana oladi.
Birinchi poyga Qute uchun muvaffaqiyatsiz yakunlangan: salonda haydovchidan tashqari yana uch kishi bo‘lgani sabab kvadrotsikl velosipedni quvib o‘tish uchun yetarlicha tezlikka erisha olmagan. Ikkinchi urinish yo‘lovchilarsiz amalga oshirilgan — Qute ichida faqat haydovchi bo‘lgan. Mazkur holatda ham avtomobilning g‘alabasi kafolatlanmagan va finish chizig‘ini kim birinchi bo‘lib kesib o‘tishi so‘nggi soniyalargacha noma’lum bo‘lgan.
Bajaj Qute 2016—2020-yillarda Rossiyada ham sotilgan bo‘lib, o‘sha vaqtda uning narxi 337 ming rublni (4,5 ming dollar) tashkil etgan.
Avvalroq 44 tonnali Mercedes va Scania yuk mashinalari poyga maydonchasida kuch sinashgani, YouTube’dagi Sport Auto kanali ekspertlari orqa uzatmali, o‘rta motorli sportkarlar Chevrolet Corvette C8 Stingray, Porsche 911 Carrera S (992) va yangilangan Audi R8 RWD’ni o‘zaro taqqoslab ko‘rgani to‘g‘risida xabar berilgandi.
Izoh (0)