Rim papasi Fransiskning navbatdagi avtomobili Amerikada ishlab chiqarilgan Fisker elektrokari bo‘ladi. Yangi “papamobil” ishlab chiqarilayotgani haqda kompaniya asoschisi Xenrik Fisker Vatikanga tashrifi davomida ma’lum qilgan. Pontifik Ocean krossoverining ilk nusxalaridan biriga ega bo‘ladi, elektrokarni topshirish jarayoni esa 2022-yilning kuziga rejalashtirilgan, deb xabar beradi Motor.
Fisker Ocean elektromobili Rim papasi Fransiskning garajidagi birinchi elektromobilga aylanadi. Pontifik uchun krossover modernizatsiya qilinadi: katoliklar cherkovining rahnamosi turgan holda xalq ichida harakatlana olishi uchun salon o‘zgartiriladi, tom qismi balandligi maxsus shisha qubba hisobiga oshiriladi.
Hozircha Fisker “papamobil”ning shoshilinchda ishlangan renderlari bilan bo‘lishgan va dizaynerlar ishi hech qanday tanqidga munosib emas. Umuman olganda, Fisker’da pontifik elektromobili chiroyli ko‘rinish kasb etishi uchun yetarlicha vaqt bor.
Xenrik Fiskerning so‘zlariga ko‘ra, papa Fransiskning elektrokari o‘ziga xos interyeri bilan ajralib turadi: salon ekologik toza materiallar bilan qoplanadi, masalan, gilamchalar qayta ishlangan materialdan bo‘ladi.
Fiskerning ma’lum qilishicha, uni bunga Rim papasining atrof-muhitga bo‘lgan e’tibori ilhomlantirgan. Ta’kidlash kerakki, pontifik yarim yildan buyon kundalik yumushlarida Toyota Mirai vodorod sedanidan foydalanmoqda.
Izoh (0)