Internetda juda noodatiy tyuningga ega BMW X5 krossoverining suratlari taqaldi. Jurnalistlar ushbu modelni Yer yuzidagi eng xunuk avtomobil deb atamoqda, foydalanuvchilar esa mashinani chiqindi konteyneriga taqqoslayapti, deb xabar beradi Motor.
Reddit portalida paydo bo‘lgan suratga ko‘ra, noodatiy avtomobil AQShda joylashgan savdo markazlaridan birining yopiq avtoturargohidan topilgan. Krossover kengaytirilgan burchakli g‘ildirak arkalari, shuningdek, noodatiy bamper va kapotga ega, shu sababli avtomobil oddiy X5’ga umuman o‘xshamaydi.
Avtomobil xira qora rangga, g‘ildirak diskalari esa bronza rangiga bo‘yalgan. “Loyiha” muallifi, shuningdek, radiator panjarasini ancha kengrog‘iga almashtirishga, ostki qismiga esa ulkan splitter o‘rnatishga qaror qilgan.
Izohlarda ushbu avtomobil BMW yorlig‘i yopishtirilgan chiqindi konteyneriga yoki oxirigacha yuklanmagan kompyuter o‘yinlaridagi avtomobilga qiyoslanmoqda. Suratga birinchi bo‘lib e’tibor qaratgan Carscoops nashri jurnalistlari krossoverni “Yerdagi eng xunuk BMW X5” deb atagan va suratga uzoq tikilish odamning ko‘nglini ozdirishi haqida ogohlantirgan.
Avvalroq qozog‘istonlik tyunerlar tomonidan yaratilgan yo‘ltanlamas 380 ming dollarga sotilayotgani to‘g‘risida xabar berilgandi.
Izoh (0)