Интернетда жуда ноодатий тюнингга эга BMW X5 кроссоверининг суратлари тақалди. Журналистлар ушбу моделни Ер юзидаги энг хунук автомобиль деб атамоқда, фойдаланувчилар эса машинани чиқинди контейнерига таққослаяпти, деб хабар беради Motor.
Reddit порталида пайдо бўлган суратга кўра, ноодатий автомобиль АҚШда жойлашган савдо марказларидан бирининг ёпиқ автотураргоҳидан топилган. Кроссовер кенгайтирилган бурчакли ғилдирак аркалари, шунингдек, ноодатий бампер ва капотга эга, шу сабабли автомобиль оддий Х5’га умуман ўхшамайди.
Автомобиль хира қора рангга, ғилдирак дискалари эса бронза рангига бўялган. «Лойиҳа» муаллифи, шунингдек, радиатор панжарасини анча кенгроғига алмаштиришга, остки қисмига эса улкан сплиттер ўрнатишга қарор қилган.
Изоҳларда ушбу автомобиль BMW ёрлиғи ёпиштирилган чиқинди контейнерига ёки охиригача юкланмаган компьютер ўйинларидаги автомобилга қиёсланмоқда. Суратга биринчи бўлиб эътибор қаратган Carscoops нашри журналистлари кроссоверни «Ердаги энг хунук BMW X5» деб атаган ва суратга узоқ тикилиш одамнинг кўнглини оздириши ҳақида огоҳлантирган.
Аввалроқ қозоғистонлик тюнерлар томонидан яратилган йўлтанламас 380 минг долларга сотилаётгани тўғрисида хабар берилганди.
Изоҳ (0)