Toshkentning qator ko‘chalarida yo‘l ta’mirlash ishlari olib borilayotgani sabab 30 kunga transport vositalarining harakati vaqtincha cheklanadi. Bu haqda poytaxt hokimligi matbuot xizmati xabar berdi.
- Kichik halqa avtomobil yo‘lidan (KHAY) Ahmad Donish ko‘chasiga tushish yo‘li (mo‘ljal: Taxtapul masjidi);
- Ahmad Donish ko‘chasidan Kichik halqa avtomobil yo‘liga chiqish yo‘li;
- Ahmad Donish ko‘chasi—Sultan restoranidan KHAYga chiqish yo‘ligacha;
- Ahmad Donish ko‘chasi—“Yunusobod” bozori yaqinidagi chorrahadan Ahmad Donish ko‘chasiga chiqish yo‘ligacha.
Ushbu yo‘l qismlarida tirbandliklarning oldini olish maqsadida haydovchilarga aylanma yo‘llardan foydalanish tavsiya qilinadi.
Avvalroq Toshkent viloyatidagi Keles ko‘prigi “ta’mirlash ishlari yakunlanguniga qadar” yopilgani, ta’mir qachongacha davom etishi noma’lumligi to‘g‘risida xabar berilgandi.
Izoh (0)