22-may kuni internetda Gollivud yulduzi Mark Uolberg yangi “Styu” kartinasida rol ijro etayotgani tasvirlangan suratlar tarqaldi. Bir necha hafta oldin aktyor bosh rolni ijro etish uchun o‘nlab kilogrammga semirgan edi, deb xabar beradi “Film.ru”.
Film syujeti real voqealarga asoslangan bo‘lib, Uolberg avariyadan so‘ng rohib bo‘lishga qaror qilgan bokschi Styuart Long rolini ijro etgan. Bunga parallel ravishda unda suyaklar bilan bog‘liq kamyob kasallik — miozit rivojlangan. Filmni suratga olish ishlarida Rozalind Ross bilan birga, Mel Gibson va Jeki Uiver ham qatnashmoqda.
Aprel oyida Uolberg qovurilgan tovuq va kunlik pivo ichish diyetasi orqali ikki haftada 10 kiloga semirganini ma’lum qilgandi. Uning maqsadi — uch haftada 13 kilogramm to‘plash edi. “Styu” filmining premyera sanasi hozircha ma’lum emas.
Mark Wahlberg and Mel Gibson on set of #Stu https://t.co/U4yPL85CZD
— Film Updates (@FilmUpdates) May 22, 2021
Avvalroq Jorj Kluni suratga olish ishlari uchun keskin ozgani sabab kasalxonaga tushib qolgani, kal va juda ozib ketgan Kristian Beyl “Tor 4”ning suratga olish maydonchasiga kelgani to‘g‘risida xabar berilgandi.
Izoh (0)