Ushbu hurmatga sazovor yulduzlar yosh shunchaki raqam ekanini isbotladi. Ular hali ham kuchga to‘lgan va kino afsonalari bilan hamkorlik qilishni orzu qiladigan zamonaviy rejissorlarning takliflarini mamnuniyat bilan qabul qilmoqda.
Morgan Frimen, 83 yosh
Morgan maktab yillaridan aktyorlik karyerasini orzu qilar edi, ammo darhol muvaffaqiyatga erisha olmagan. Ko‘p yillar davomida u teatrda faoliyat yuritgan va epizodik hamda ikkinchi darajali rollarni ijro etgan. Mashhurlik faqat 50 yoshdan keyin boshlandi – 1987-yilda aktyor tanqidchilar tomonidan yuqori baholangan “Ko‘cha bolasi” filmida rol o‘ynagan. Keyinchalik Frimen 50 dan ortiq filmlarda ishtirok etdi. 83 yoshli aktyor hali ham filmlarda rol o‘ynamoqda – bu yil u ikkita filmda bosh rollarni ijro etdi.
Sofi Loren, 86 yoshda
Italiyalik aktrisa nafaqat o‘z vatanida, balki chet ellarda ham tan olingan. O‘tgan asrda rejissorlar uni mamnuniyat bilan o‘z loyihalariga taklif qilgan. 1991-yilda Sofi Oskar mukofotiga sazovor bo‘lgan. Lorenning hisobida yuzga yaqin film bor va u bugun ham o‘z faoliyatini davom ettirmoqda. 2020-yilda aktrisa asosiy rollardan birini ijro etgan “Hammasi oldinda” filmida ishtirok etdi.
Judi Dench, 86 yoshda
Judi yoshligida spektakllarda Shekspir qahramonlarini ijro etgan. 1964-yilga kelib, filmlarda ham rol o‘ynay boshlagan. Dastlabki rollari uchun Judi mukofotlarga nomzod bo‘lib, Buyuk Britaniyaning eng muvaffaqiyatli, iste’dodli va izlanuvchan aktrisalaridan biriga aylandi. Biroq Judi ham mashhurlikka faqat 61 yoshida erishgan. Shundan so‘ng, aktrisaning karyerasi yuqoriga ko‘tarilib, “Sevimli Shekspir” filmi uchun “Oskar” mukofotiga sazovor bo‘ldi. Judi Dench bugungi kunda ham filmlarda faol ishtirok etmoqda.
Klint Istvud, 90 yosh
Klint – o‘tgan asrning eng taniqli va iste’dodli aktyorlaridan biri. Uzoq yillik faoliyati davomida u to‘rtta “Oskar” –“Eng yaxshi rejissor” va “Yilning eng yaxshi filmi” sovrinlarini qo‘lga kiritdi. Istvud allaqachon 90 yoshda, aktyor esa hali ham rol ijro etadi va hanuz kuchga to‘lgan.
Meggi Smit, 86 yosh
Meggining hisobida juda ko‘p teatr va kino asarlari mavjud, ammo uning haqiqiy mashhurligi 2000-yillarning boshlarida paydo bo‘ldi. Garri Potter filmlaridagi professor Minerva Makgonagallning roli u uchun avvalgisiga qaraganda ancha muvaffaqiyatli bo‘ldi. Smit nafaqat televizion tomoshabinlarning eski avlodi, balki kinofilmning juda yosh muxlislari tomonidan tan olindi. Qizig‘i shundaki, bundan keyin aktrisa tobora ko‘proq loyihalarga taklif qilinib, unga asosiy rollar berilmoqda.
Mavzuga doir:
Izoh (0)