22 май куни интернетда Голливуд юлдузи Марк Уолберг янги «Стю» картинасида рол ижро этаётгани тасвирланган суратлар тарқалди. Бир неча ҳафта олдин актёр бош ролни ижро этиш учун ўнлаб килограммга семирган эди, деб хабар беради «Film.ru».
Фильм сюжети реал воқеаларга асосланган бўлиб, Уолберг авариядан сўнг роҳиб бўлишга қарор қилган боксчи Стюарт Лонг ролини ижро этган. Бунга параллел равишда унда суяклар билан боғлиқ камёб касаллик — миозит ривожланган. Фильмни суратга олиш ишларида Розалинд Росс билан бирга, Мел Гибсон ва Жеки Уивер ҳам қатнашмоқда.
Апрель ойида Уолберг қовурилган товуқ ва кунлик пиво ичиш диетаси орқали икки ҳафтада 10 килога семирганини маълум қилганди. Унинг мақсади — уч ҳафтада 13 килограмм тўплаш эди. «Стю» фильмининг премьера санаси ҳозирча маълум эмас.
Mark Wahlberg and Mel Gibson on set of #Stu https://t.co/U4yPL85CZD
— Film Updates (@FilmUpdates) May 22, 2021
Аввалроқ Жорж Клуни суратга олиш ишлари учун кескин озгани сабаб касалхонага тушиб қолгани, кал ва жуда озиб кетган Кристиан Бэйл «Тор 4»нинг суратга олиш майдончасига келгани тўғрисида хабар берилганди.
Изоҳ (0)