O‘zbekiston futbol assotsiatsiyasi tartib-intizom qo‘mitasining navbatdagi yig‘ilishi bo‘lib o‘tdi, deya yozmoqda tashkilot sayti.
Unga ko‘ra O‘zbekiston Kubogi guruh bosqichi 3-tur doirasidagi “Nasaf” — “Bunyodkor” uchrashuvi davomida “Bunyodkor” jamoasi bosh murabbiyi Shuhrat Maqsudov va yordamchi murabbiy Marat Miftaxudinov hakam qaroriga o‘z noroziligini qo‘pol tarzda bildirgani, hakam sha’niga haqoratli so‘zlar ishlatgani va bu bilan 2021-yilgi mavsumda O‘zbekiston professional futbol ligasi tomonidan o‘tkaziladigan musobaqalar Reglamentining 18.2, 18.3-bandlarini buzganligi uchun ularga nisbatan jarima intizom chorasi qo‘llanilgan.
Shuningdek, yana bir qancha futbolchi va rasmiylarga nisbatan ham intizomiy choralar qo‘llanildi:
- O‘zbekiston Pro-Liga 5-turi doirasidagi “Dinamo plyus” — “Neftchi” uchrashuv yakunidan so‘ng “Dinamo” jamoasi murabbiylari Jasur Hamroyev va Dilshod Sharofiddinov bosh hakam sha’niga haqoratli so‘zlar ishlatgani uchun 2 ta o‘yinga chetlatish va jarima intizomiy chorasi qo‘llanildi.
- O‘zbekiston U-18 Birinchiligi 3-tur doirasidagi “Oq-tepa U-18” — “Nasaf U-18” uchrashuvning 90+3-daqiqasida “Oq-tepa U-18” jamoasi futbolchisi Bahrom Kozimov unga nisbatan o‘yin qoidasi buzilgandan so‘ng raqibga nisbatan tajovuzkor harakati uchun 2 ta o‘yinga chetlashtirish intizom chorasi qo‘llanildi.
- O‘zbekiston Kubogi guruh bosqichi 3-tur doirasidagi “Aral Samali” — “Lokomotiv” uchrashuvida “Aral Samali” jamoasi bosh murabbiyi Timur Turdiyev unga O‘zPFL tomonidan taqdim qilingan akkreditatsiyani o‘z manfaatida begona shaxsga bergani va uni texnik zonaga kiritgani va shu bilan 2021-yilgi mavsumda O‘zbekiston professional futbol ligasi tomonidan o‘tkaziladigan musobaqalar Reglamentining 17.13, 17.17- bandlarini buzganligi uchun unga nisbatan jarima intizom chorasi qo‘llanildi.
- O‘zbekiston Futzal Oliy Ligasining 16-turi doirasidagi “Bunyodkor” — “Metallurg” uchrashuvining 35-daqiqasida “Metallurg” jamoasining futzalchisi Islombek Biyturayev ikkinchi hakam qaroridan noroziligini bildirib hakam sha’niga haqoratli so‘zlar ishlatgani uchun unga nisbatan 2 ta o‘yinga chetlashtirish va jarima intizom chorasi qo‘llanildi.
- O‘zbekiston U-21 Birinchiligi 7-turi doirasidagi “Surxon U-21” — “OKMK U-21” uchrashuvining 83-daqiqasida “OKMK U-21” jamoasi futbolchisi Iskandar Businov to‘p uchun kurashsiz raqib oyog‘iga qasddan zarba bergani va tajovuzkor xatti-harakati uchun unga nisbatan 3 ta o‘yinga chetlashtirish va jarima intizom chorasi qo‘llanild.
- O‘zbekiston U-21 Birinchiligi 7-turi doirasidagi “Andijon U-21” — “Qo‘qon 1912 U-21” uchrashuvining 66-daqiqasida “Andijon U-21” jamoasi futbolchisi Jamshidbek Homidov muxlislar tomonga qarata nojo‘ya xatti-harakati va haqoratli so‘zlar ishlatgani uchun unga nisbatan 3 ta o‘yinga chetlashtirish jarima intizom chorasi qo‘llanildi.
- O‘zbekiston U-21 Birinchiligi 5-turi doirasidagi “Surxon U-21” – “Lokomotiv U-21” uchrashuvining 66-daqiqasida “Lokomotiv U-21” jamoasi futbolchisi Anvarjon Alijonov raqib o‘yinchini qo‘li bilan urgani uchun unga nisbatan 2 ta o‘yinga chetlashtirish jarima intizom chorasi qo‘llanildi.
- O‘zbekiston U-18 Birinchiligi 2-tur doirasidagi “So‘g‘diyona U-18” — “Oq-tepa U-18” uchrashuvi yakunidan so‘ng “So‘g‘diyona U-18” jamoasi rasmiy vakili Anvar Almatov va “Oq-tepa U-18” jamoasi bosh murabbiyi Otabek Mansurov uchrashuv bosh hakami sha’niga haqoratli so‘zlar ishlatganligi uchun jarima intizom chorasi qo‘llanildi.
Mavzuga doir: O‘FA rahbariyati futbol klublari murabbiylariga jiddiy ogohlantirish berdi
Izoh (0)