Milliy Olimpiya qo‘mitasi (MOQ) va O‘zbekiston futbol assotsiatsiyasi vitse-prezidenti Ravshan Ermatov 23 may, yakshanba kuni “Toshkent 5 tashabbus harakati” yoshlar festivali doirasidagi uchrashuvda faoliyatini yakunlagan ayrim futbolchilar nega xayrlashuv uchrashuvlari o‘tkazmagani haqidagi savolga javob qaytardi. Bu haqda “Daryo” muxbiri xabar berdi.
To‘g‘ri, avvalgi futbolchilarga faoliyati oxirida xayrlashuv uchrashuvlari o‘tkazilgan.Server Jeparov, Temur Kapadze, Ignatiy Nesterov ham O‘zbekistonning faxri. Ularga hozir xayrlashuv uchrashuvi o‘tkazasizmi desangiz, vaqti ham yo‘q. Chunki ular murabbiylik yo‘nalishiga jiddiy kirishib ketgan. Jeparov ham, Kapadze ham. Nesterov hozir futbol mutaxassislarini tayyorlash markazida o‘qiyapti, murabbiylik litsenziyasiga ega.Temur Kapadze 2017-yilda futbolchilik faoliyatini yakunlagan bo‘lsa, Jeparov 2019-yilda butsasini “mixga ilgandi”.Lekin bu rejamizda bor edi. Orada pandemiya ham bo‘ldi. Hozir bungacha yetib kelmadik. Tez orada yana bir-ikki futbolchi faoliyatini yakunlaydi, o‘shanda bitta qilib o‘tkazamiz.
Ravshan Ermatov, MOQ va O‘FA vitse-prezidenti
Mavzuga doir: “Atletiko M” O‘zbekistonga keladimi? Ravshan Ermatov bunga aniqlik kiritdi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)