Ўзбекистон футбол ассоциацияси тартиб-интизом қўмитасининг навбатдаги йиғилиши бўлиб ўтди, дея ёзмоқда ташкилот сайти.
Унга кўра Ўзбекистон Кубоги гуруҳ босқичи 3-тур доирасидаги «Насаф» — «Бунёдкор» учрашуви давомида «Бунёдкор» жамоаси бош мураббийи Шуҳрат Мақсудов ва ёрдамчи мураббий Марат Мифтахудинов ҳакам қарорига ўз норозилигини қўпол тарзда билдиргани, ҳакам шаънига ҳақоратли сўзлар ишлатгани ва бу билан 2021 йилги мавсумда Ўзбекистон профессионал футбол лигаси томонидан ўтказиладиган мусобақалар Регламентининг 18.2, 18.3-бандларини бузганлиги учун уларга нисбатан жарима интизом чораси қўлланилган.
Шунингдек, яна бир қанча футболчи ва расмийларга нисбатан ҳам интизомий чоралар қўлланилди:
- Ўзбекистон Про-Лига 5-тури доирасидаги «Динамо плюс» — «Нефтчи» учрашув якунидан сўнг «Динамо» жамоаси мураббийлари Жасур Ҳамроев ва Дилшод Шарофиддинов бош ҳакам шаънига ҳақоратли сўзлар ишлатгани учун 2 та ўйинга четлатиш ва жарима интизомий чораси қўлланилди.
- Ўзбекистон U-18 Биринчилиги 3-тур доирасидаги «Оқ-тепа U-18» — «Насаф U-18» учрашувнинг 90+3-дақиқасида «Оқ-тепа U-18» жамоаси футболчиси Баҳром Козимов унга нисбатан ўйин қоидаси бузилгандан сўнг рақибга нисбатан тажовузкор ҳаракати учун 2 та ўйинга четлаштириш интизом чораси қўлланилди.
- Ўзбекистон Кубоги гуруҳ босқичи 3-тур доирасидаги «Арал Самали» — «Локомотив» учрашувида «Арал Самали» жамоаси бош мураббийи Тимур Турдиев унга ЎзПФЛ томонидан тақдим қилинган аккредитацияни ўз манфаатида бегона шахсга бергани ва уни техник зонага киритгани ва шу билан 2021 йилги мавсумда Ўзбекистон профессионал футбол лигаси томонидан ўтказиладиган мусобақалар Регламентининг 17.13, 17.17- бандларини бузганлиги учун унга нисбатан жарима интизом чораси қўлланилди.
- Ўзбекистон Футзал Олий Лигасининг 16-тури доирасидаги «Бунёдкор» — «Металлург» учрашувининг 35-дақиқасида «Металлург» жамоасининг футзалчиси Исломбек Бийтураев иккинчи ҳакам қароридан норозилигини билдириб ҳакам шаънига ҳақоратли сўзлар ишлатгани учун унга нисбатан 2 та ўйинга четлаштириш ва жарима интизом чораси қўлланилди.
- Ўзбекистон U-21 Биринчилиги 7-тури доирасидаги «Сурхон U-21» — «ОКМК U-21» учрашувининг 83-дақиқасида «ОКМК U-21» жамоаси футболчиси Искандар Бусинов тўп учун курашсиз рақиб оёғига қасддан зарба бергани ва тажовузкор хатти-ҳаракати учун унга нисбатан 3 та ўйинга четлаштириш ва жарима интизом чораси қўлланилд.
- Ўзбекистон U-21 Биринчилиги 7-тури доирасидаги «Андижон U-21» — «Қўқон 1912 U-21» учрашувининг 66-дақиқасида «Андижон U-21» жамоаси футболчиси Жамшидбек Ҳомидов мухлислар томонга қарата ножўя хатти-ҳаракати ва ҳақоратли сўзлар ишлатгани учун унга нисбатан 3 та ўйинга четлаштириш жарима интизом чораси қўлланилди.
- Ўзбекистон U-21 Биринчилиги 5-тури доирасидаги «Сурхон U-21» – «Локомотив U-21» учрашувининг 66-дақиқасида «Локомотив U-21» жамоаси футболчиси Анваржон Алижонов рақиб ўйинчини қўли билан ургани учун унга нисбатан 2 та ўйинга четлаштириш жарима интизом чораси қўлланилди.
- Ўзбекистон U-18 Биринчилиги 2-тур доирасидаги «Сўғдиёна U-18» — «Оқ-тепа U-18» учрашуви якунидан сўнг «Сўғдиёна U-18» жамоаси расмий вакили Анвар Алматов ва «Оқ-тепа U-18» жамоаси бош мураббийи Отабек Мансуров учрашув бош ҳаками шаънига ҳақоратли сўзлар ишлатганлиги учун жарима интизом чораси қўлланилди.
Мавзуга доир: ЎФА раҳбарияти футбол клублари мураббийларига жиддий огоҳлантириш берди
Изоҳ (0)