“Manchester Siti” bosh murabbiyi Pep Gvardiola mavsum yakunlariga ko‘ra shaxsiy mukofot bilan taqdirlandi.
50 yoshli ispaniyalik mutaxassis Angliya murabbiylari assotsiatsiyasi talqiniga ko‘ra Premyer Liga 2020/21-yilgi mavsumining eng yaxshi murabbiyi deb topildi. Qayd etish o‘rinli, Pep ushbu sovringa 2017/18-yilgi mavsumda ham ega chiqqandi.
Shuningdek, da’vogarlar ro‘yxatiga Marselo Byelsa (“Lids”), Daniel Farke (“Norvich”), Emma Heys (“Chelsi” ayollar jamoasi), Devid Moyes (“Vest Hem”) va Brendan Rojers (“Lester”) ham kiritilgandi.
2019/20-yilgi mavsumda esa mazkur sovrinni “Liverpul” bosh murabbiyi Yurgen Klopp qo‘lga kiritgan.
“Manchester Siti” Gvardiola boshqaruvida Angliya Premyer Ligasining 2020/21-yilgi mavsumida g‘olib chiqqan bo‘lsa, Chempionlar Ligasida final bosqichiga yo‘l oldi. “Shaharliklar” hal qiluvchi o‘yinda Angliyaning boshqa bir jamoasi “Chelsi”ga qarshi bahs yuritadi. Uchrashuv 29-maydan 30-mayga o‘tar kechasi soat 00:00 da boshlanadi.
Mavzuga doir:
Izoh (0)