«Манчестер Сити» бош мураббийи Пеп Гвардиола мавсум якунларига кўра шахсий мукофот билан тақдирланди.
50 ёшли испаниялик мутахассис Англия мураббийлари ассоциацияси талқинига кўра Премьер Лига 2020/21 йилги мавсумининг энг яхши мураббийи деб топилди. Қайд этиш ўринли, Пеп ушбу совринга 2017/18 йилги мавсумда ҳам эга чиққанди.
Шунингдек, даъвогарлар рўйхатига Марсело Бьелса («Лидс»), Даниэль Фарке («Норвич»), Эмма Ҳейс («Челси» аёллар жамоаси), Дэвид Моес («Вест Ҳэм») ва Брендан Рожерс («Лестер») ҳам киритилганди.
2019/20 йилги мавсумда эса мазкур совринни «Ливерпуль» бош мураббийи Юрген Клопп қўлга киритган.
«Манчестер Сити» Гвардиола бошқарувида Англия Премьер Лигасининг 2020/21 йилги мавсумида ғолиб чиққан бўлса, Чемпионлар Лигасида финал босқичига йўл олди. «Шаҳарликлар» ҳал қилувчи ўйинда Англиянинг бошқа бир жамоаси «Челси»га қарши баҳс юритади. Учрашув 29 майдан 30 майга ўтар кечаси соат 00:00 да бошланади.
Мавзуга доир:
Изоҳ (0)