“Manchester Siti” Premyer Liganing so‘nggi turida 23-may kuni “Everton”ni yirik hisobda mag‘lub etdi (5:0).
“Shaharliklar”ning so‘nggi ikkita golini 65-daqiqada zaxiradan maydonga tushgan Serxio Aguero urdi.
Shu tariqa argentinalik futbolchi APL doirasida “Manchester Siti” safida urgan gollari sonini 184 taga yetkazdi. Bu orqali Aguero bir klub safida APLdagi gollar soni bo‘yicha “Manchester Yunayted” sobiq hujumchisi Ueyn Runining rekordini (183 ta gol) yangiladi.
“Manchester Siti” — “Everton” uchrashuvidagi gollar videosini bu yerda tomosha qilish mumkin — video.
Aguero Premyer Liga joriy mavsumida 12 ta o‘yin o‘tkazib, 4 ta gol va bitta golli uzatma amalga oshirdi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)