«Манчестер Сити» Премьер Лиганинг сўнгги турида 23 май куни «Эвертон»ни йирик ҳисобда мағлуб этди (5:0).
«Шаҳарликлар»нинг сўнгги иккита голини 65-дақиқада захирадан майдонга тушган Серхио Агуэро урди.
Шу тариқа аргентиналик футболчи АПЛ доирасида «Манчестер Сити» сафида урган голлари сонини 184 тага етказди. Бу орқали Агуэро бир клуб сафида АПЛдаги голлар сони бўйича «Манчестер Юнайтед» собиқ ҳужумчиси Уэйн Рунининг рекордини (183 та гол) янгилади.
«Манчестер Сити» — «Эвертон» учрашувидаги голлар видеосини бу ерда томоша қилиш мумкин — видео.
Агуэро Премьер Лига жорий мавсумида 12 та ўйин ўтказиб, 4 та гол ва битта голли узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)