Футбол бўйича Италия А Сериясининг 38-туридан ўрин олган баҳслар 23 май, якшанба куни бўлиб ўтди.
Чемпионлар Лигаси йўлланмаси учун курашаётган «Милан» «Аталанта» майдонига сафар қилди. Франк Кессиэнинг дубли миланликларга ғалаба олиб келди. Мазкур ғалаба эвазига Стефоно Пиоли шогирдлари мусобақа жадвалида бергамоликларни ортда қолдирган ҳолда мавсумни 2-ўринда якунлади.
«Ювентус» сафарда «Болонья» билан баҳс юритди ва йирик ҳисобдаги ғалаба қўлга киритди. Туринликлар сафида Альваро Мората дубль қайд этган бўлса, Федерико Кьеза ва Адриен Рабьо бир мартадан рақиб дарвозасига йўл топди. Мезбонлар бунга сўнгги дақиқалардаги гол билан жавоб қайтарди.
Мазкур ғалаба ва «Наполи»нинг «Верона»га қарши ўйинда очко йўқотиши «Ювентус»ни тўртинчи ўринга олиб чиқди.
А Серия 2020/21 йилги мавсуми мусобақа жадвали қуйидаги кўринишни олди:
А Серия
38-тур баҳслари
23 май, якшанба
«Аталанта» — «Милан» 0:2
Голлар: 0:1 – 43, пенальти Кессиэ, 0:2 – 90+2, пенальти Кессиэ.«Болонья» — «Ювентус» 1:4
Голлар: 0:1 – 6 Кьеза, 0:2 – 29 Мората, 0:3 – 45 Рабьо, 0:4 – 47 Мората, 1:4 – 85 Орсолини.«Наполи» — «Верона» 1:1
Голлар: 1:0 – 60 Рраҳмани, 1:1 – 69 Фараони.«Сассуоло» — «Лацио» 2:0
Голлар: 1:0 – 10 Кирьякопулос, 2:0 – 78, пенальти Берарди.«Специя» — «Рома» 2:2
Голлар: 1:0 – 6 Верде, 2:0 – 38 Побега, 2:1 – 52 аш-Шаарави, 2:2 – 85 Мхитарян.«Торино» — «Беневенто» 1:1
Голлар: 1:0 – 29 Бремер, 1:1 – 72 Телё.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)