2021-yilning aprel o‘rtalarida Fuqarolik ishlari bo‘yicha Farg‘ona tumanlararo sudining ayol sudyasi xizmat vazifasini bajarayotgan paytda qarshilikka duch kelgani to‘g‘risida xabar berilgandi. Sudyalar Oliy kengashining ma’lum qilishicha, 20-may kuni o‘tkazilgan surishtiruv yakunida aybdor shaxs ma’muriy javobgarlikka tortilgan.
Ma’lum qilinishicha, 1990-yilda tug‘ilgan M.A. 2021-yilning 23-aprel kuni mulklarni bo‘lish haqidagi da’vo ariza yuzasidan nizoni joyida o‘rganish uchun Farg‘ona tumani “Ilg‘or” mahallasi Saxovat ko‘chasidagi xonadonga kelgan sudyani haqorat qilib, qo‘l telefonini tortib olgan va yerga urib sindirgan.
Sudda huquqbuzar qilmishini inkor etmagan.
Sud Ma’muriy javobgarlik to‘g‘risidagi kodeksning 41 (haqorat qilish) va 612-moddalarida (o‘zganing mulkini qasddan nobud qilish yoki unga zarar yetkazish) nazarda tutilgan ma’muriy huquqbuzarliklarni sodir etishda aybdor deb topib, mazkur kodeksning 34-moddasiga asosan uzil-kesil bazaviy hisoblash miqdorining 20 baravari miqdorida (4,9 million so‘m) jarima jazosini tayinlangan.
Shuningdek, sud qarorida sudyaga yetkazilgan moddiy zarar (1,6 million) undirilishi ham belgilangan.
Mavzuga doir:
- O‘zbekiston sudyalar oliy kengashi qasamyodini buzgan sud raisini vazifasidan ozod etdi
- Qonuniy kuchga kirmagan ish yuzasidan OAVga ma’lumot bergan sudyaga intizomiy chora ko‘riladi – Sudyalar oliy kengashi sudyalarni ogohlantirdi
- Toshkent shahar ma’muriy sudi sobiq sudyasi va sud xodimlariga nisbatan qo‘zg‘atilgan jinoyat ishi bo‘yicha bayonot berildi
Izoh (0)