Toshkent shahri “Qo‘yliq” dehqon bozori yaqinida niqob taqmagani uchun to‘xtatilgan qiz qidiruvdagi shaxs bo‘lib chiqdi, deya xabar qilmoqda shahar IIBB.
Qayd etilishicha, 2021-yil 18-may kuni soat 16:40 da Bektemir tumanidagi Toshkent halqa avtomobil yo‘lidagi “Qo‘yliq” dehqon bozori yaqinida olib borilgan sanitariya-epidemiologiya talablariga rioya qilinishini nazorat qilishga qaratilgan tadbir davomida Toshkent shahar IIBB xodimlari tomonidan tibbiy niqob taqmagan qiz to‘xtatildi.
Tekshiruv davomida uning shaxsi aniqlandi va u 2020-yilning 27-dekabr kunidan buyon Jinoyat kodeksining 168-moddasida (firibgarlik) ko‘rsatilgan xatti-harakatlarni sodir etgani uchun qidiruvda bo‘lgan 2002-yilda tug‘ilgan M.A. ekani ma’lum bo‘ldi.
Shundan so‘ng fuqaro Bektemir tumani IIO FMBga yetkazildi.
Bundan avval Samarqandda 13 ming dollar evaziga yer olib bermoqchi bo‘lgan soliq inspektori va fermer qo‘lga olingani, Samarqandda irim-sirim orqali beshikdagi bolani davolash maqsadida uy egasining tilla taqinchoqlarni o‘g‘irlab ketgan ayollarga sud hukmi o‘qilgani hamda Toshkent viloyatida Telegram orqali o‘zganing plastik kartasidan 2,5 million so‘m yechib olgan 10-sinf o‘quvchisi ushlangani haqida xabar berilgandi.
Izoh (0)