Uzoq vaqtlardan buyon Xalqaro Olimpia Qo‘mitasi bilan hamkorlik qilib kelayotgan Samsung kompaniyasi Galaxy S21 5G Olympic Edition smartfonini taqdim etdi, deb xabar beradi IXBT.
O‘tgan yili taqdim etilgan Samsung Galaxy S20+ Olympic Edition smartfonining ortqa paneliga Tokyo 2020 logotipi tushirilgan edi, biroq joriy yilda kompaniya ehtiyotkorroq bo‘lmoqda: Galaxy S21 5G Olympic Edition smartfoni faqat beshta halqadan iborat logotipga ega bo‘lgan. O‘tkaziladigan Olimpiada haqida telefonda biror belgi yo‘q.
2020-yilning 24-martida Xalqaro Olimpia Qo‘mitasi koronavirus pandemiyasi sabab Olimpiada o‘yinlari 2021-yilga kechiktirilganini e’lon qilgandi. O‘yinlar joriy yilda ham o‘tkazilishi hali aniq emasligini Samsung’ning o‘z smartfoni dizayni orqali ham tushinish mumkin.
Mazkur smartfonlar Yaponiyada NTT Docomo operatori tomonidan sotiladi va ular Olimpiada halqalariga ega o‘ziga xos “oboy”ga ega bo‘lgan. Qurilmaning standart Galaxy S21 5G’dan yagona farqi shu.
Hozircha smartfon qachon sotuvga chiqishi va uning narxi oshkor etilmagan.
Avvalroq Yaponiya kompaniyalarining yarmidan ko‘pi 2021-yilgi Olimpiada o‘yinlariga qarshi ekanini bildirgan edi.
Izoh (0)