Twitter’da FrontTron niki ostidagi foydalanuvchi Xitoyda AirPods Pro egalaridan biri bilan sodir bo‘lgan ko‘ngilsiz hodisa tasvirlangan surat bilan bo‘lishdi, deb xabar beradi Hi-Tech.Mail.ru.
E’lon qilingan suratlardan ko‘rish mumkinki, Apple naushnigining original futlyari ham ichidan, ham tashqi tomonidan erib ketgan. Ma’lum qilinishicha, kuyish naushniklar futlyar ichida bo‘lganida yuz bergan — qurilmaning ikkisiga ham shikast yetgan, ulardan biri butunlay yaroqsiz holga kelib qolgan.
Ijtimoiy tarmoq foydalanuvchisi odamlar sodir bo‘lgan holat ko‘lamini yaxshiroq tasavvur qilishlari uchun ko‘proq suratlarni joylagan:
Ma’lumotlarga ko‘ra, ko‘ngilsiz hodisa naushniklar quvvatlantirgichda turganida sodir bo‘lgan. To‘satdan ulardan tutun chiqa boshlagan. Naushnik egasi o‘z qurilmasini Baseus UM2 PD adapteri yordamida quvvatlantirishga uringan va u AirPods Pro standart Power Delivery’ni qo‘llab-quvvatlamasligini unutib qo‘ygan yoki bilmagan.
AirPods Pro’ni 5 vattdan yuqori bo‘lgan istalgan adapterga ulash xavfli. Agarda shu kabi holatda garnituraga biror nima bo‘lsa, ularni kafolat orqali ta’mirlashning imkoni bo‘lmaydi.
Avvalroq Apple AirPods 3 naushniklarining surati taqdimotdan oldin internetda tarqalib ketgani, amerikalik erkak uyqusida AirPods’ni yutib yuborgani to‘g‘risida xabar berilgandi.
Izoh (0)