UEFA Chempionlar Ligasi va Yevropa Ligasi final uchrashuvlariga hakamlarni tayinladi.
Tashkilot rasmiy saytining xabariga ko‘ra “Manchester Siti” va “Chelsi” o‘rtasidagi Chempionlar Ligasi final uchrashuvini ispaniyalik Antonio Migel Mateu Laos boshqarib boradi.
Fransiyalik hakam Kleman Tyurpen esa Yevropa Ligasi finali doirasidagi “Vilyarreal” – “Manchester Yunayted” uchrashuviga tayinlangan.
Eslatib o‘tamiz, Chempionlar Ligasi final o‘yini 29-may kuni bo‘lib o‘tadi. Hozircha hal qiluvchi uchrashuvning qayerda o‘tkazilishi aniq emas. UEFA epidemiologik vaziyat tufayli uchrashuvni Turkiyadan boshqa joyga ko‘chirmoqchi.
Yevropa Ligasi finali esa 26-may kuni Polshaning Gdansk shahrida bo‘lib o‘tadi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)