УЕФА Чемпионлар Лигаси ва Европа Лигаси финал учрашувларига ҳакамларни тайинлади.
Ташкилот расмий сайтининг хабарига кўра «Манчестер Сити» ва «Челси» ўртасидаги Чемпионлар Лигаси финал учрашувини испаниялик Антонио Мигел Матеу Лаос бошқариб боради.
Франциялик ҳакам Клеман Тюрпен эса Европа Лигаси финали доирасидаги «Вильярреал» – «Манчестер Юнайтед» учрашувига тайинланган.
Эслатиб ўтамиз, Чемпионлар Лигаси финал ўйини 29 май куни бўлиб ўтади. Ҳозирча ҳал қилувчи учрашувнинг қаерда ўтказилиши аниқ эмас. УЕФА эпидемиологик вазият туфайли учрашувни Туркиядан бошқа жойга кўчирмоқчи.
Европа Лигаси финали эса 26 май куни Польшанинг Гданск шаҳрида бўлиб ўтади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)