Toshkent viloyatida noqonuniy poyga uyushtirgan shaxslarga nisbatan chora ko‘rildi

Toshkent viloyati O‘rta Chirchiq tumanida tungi vaqtda noqonuniy poya uyushtirgan yigitlarga nisbatan chora ko‘rildi, deya xabar qilmoqda YHXBB.

Qayd etilishicha, O‘rta Chirchiq tumanidan Toshkent shahri Sergeli tumaniga olib boradigan yo‘lda bir guruh shaxslar poyga uyushtirgani aniqlandi.

“Poyga bo‘lgan kuni mashinamga yangi motor qo‘yib chiqqandim. Do‘stlarim bir mashina borligini aytib, u bilan poyga o‘ynab ko‘rishimni aytdi. Men qo‘rqaman, deganimda, ular o‘zi mashinani haydadi. Shu poygadan keyin motorimning ‘porshini’ sinib, haligacha remontda yotibdi”, — deydi mashina egasidan biri.

Aybdorlardan yana biri bu ishdan afsusdaligini, jarima to‘lash esa qiyin bo‘lishini ta’kidladi.

“Oyiga 2 million (so‘m) topaman. Endi jarimani qanday to‘lashga boshim qotib turibdi”, — deydi u.

Holat yuzasidan haydovchilarga nisbatan tegishli tartibda bayonnoma tuzilgan.

Bundan avval Buxoroda TikTok uchun drift qilgan haydovchiga chora ko‘rilgani va “Jiguli”si jarima maydoniga joylashtirilgani, Toshkent viloyatida raqamlarini berkitib, drift-shou uyushtirgan haydovchilar jazolangani haqida xabar berilgandi.