Тошкент вилояти Ўрта Чирчиқ туманида тунги вақтда ноқонуний поя уюштирган йигитларга нисбатан чора кўрилди, дея хабар қилмоқда ЙҲХББ.
Қайд этилишича, Ўрта Чирчиқ туманидан Тошкент шаҳри Сергели туманига олиб борадиган йўлда бир гуруҳ шахслар пойга уюштиргани аниқланди.
«Пойга бўлган куни машинамга янги мотор қўйиб чиққандим. Дўстларим бир машина борлигини айтиб, у билан пойга ўйнаб кўришимни айтди. Мен қўрқаман, деганимда, улар ўзи машинани ҳайдади. Шу пойгадан кейин моторимнинг ‘поршини’ синиб, ҳалигача ремонтда ётибди», — дейди машина эгасидан бири.
Айбдорлардан яна бири бу ишдан афсусдалигини, жарима тўлаш эса қийин бўлишини таъкидлади.
«Ойига 2 миллион (сўм) топаман. Энди жаримани қандай тўлашга бошим қотиб турибди», — дейди у.
Ҳолат юзасидан ҳайдовчиларга нисбатан тегишли тартибда баённома тузилган.
Бундан аввал Бухорода TikTok учун дрифт қилган ҳайдовчига чора кўрилгани ва «Жигули»си жарима майдонига жойлаштирилгани, Тошкент вилоятида рақамларини беркитиб, дрифт-шоу уюштирган ҳайдовчилар жазолангани ҳақида хабар берилганди.
Изоҳ (0)