Porsche Tequipment Performance katta tezlikda harakatlanish uchun mo‘ljallangan mashinalar tom qismiga o‘rnatiladigan, optimallashtirilgan aerodinamikasi bilan ajralib turuvchi yuk bo‘lmasini taqdim etdi, deb xabar beradi Motor.
Firma aksessuarlarini ishlab chiqarish bilan shug‘ullanuvchi Porsche Tequipment Performance’ning yuk boksi ixtiro vaqtida aerodinamik trubada sinovdan o‘tkazilgan, shundan so‘ng Taycan modelining sinov harakatlari doirasi poligon bo‘ylab bir necha ming kilometr yo‘l bosgan. Yuk bo‘lmasi shakli tezkor harakatlanish uchun maxsus optimallashtirilgan — Porsche’ning ma’lum qilishicha, tom qismidagi boks yordamida soatiga 200 kilometr tezlikda harakatlanish mumkin. Mercedes-AMG yuk bo‘lmasi esa soatiga 130 kilometr tezlikka bardosh bera oladi. Boks tomchisimon shaklga ega bo‘lib, orqa qismida yuqoriga yo‘nalgan dumchaga ega. Uni kumushrang Porsche logotipi bezab turadi.
Yon “qanotlar” qora High-Gloss Black rangi, kumushrang Dolomite Silver Metallic, oq Carrar White Metallic yoki kulrang Volcano Grey Metallic’ka bo‘yalishi, yoki ularni lak-bo‘yoq qoplamasiz buyurtma qilish mumkin — xaridor o‘zi istagan rangga bo‘yab oladi. Masalan, o‘zining Taycan’i rangiga. Boks mashina tom qismiga reylinglar yordamida qotiriladi va ikkala tomonidan ham ochilishi mumkin. Uning hajmi 480 litrni tashkil etadi — bu besh juft chang‘i yoki uchta snoubord uchun yetarli. Boks maksimal 75 kilogrammgacha yukni ko‘tara oladi va narxi 1150 yevroni tashkil etadi.
Izoh (0)