Telegram’dagi “Megapolis” kanali Sankt-Peterburg janubidagi tashlandiq avtoturargoh surati bilan bo‘lishdi: ochiq osmon ostida o‘nlab noyob avtomobillar joylashgan bo‘lib, ular orasida Lamborghini Diablo, Rolls-Royce, “ZIL-41047”, bir necha Amerika maslkarlari va tez yordam avtomobilini uchratish mumkin, deb xabar beradi Motor.
Mashinalar shahar tashqarisidagi Sofiyskaya va Sedova ko‘chalari orasidagi beton to‘siq bilan o‘ralgan avtoturargohda joylashgan. Post muallifi avtomobillarning aksariyati achinarli ahvolda ekanligiga e’tibor qaratgan. “Kim shu qadar qimmatbaho mashinalarni bu kabi tashlandiq joyda saqlashi mumkin?”, degan savolni o‘rtaga tashlaydi u.
Foydalanuvchilardan birining taxminicha, ushbu kolleksiya bundan oldin “Lenekspo” ko‘rgazma kompleksida namoyish etilgan, yana bir foydalanuvchi mashinalar retro avtomobillar muzeyi yopilganidan so‘ng olib kelingan, deb yozmoqda. Tashlandiq avtoturargohdagi noyob mashinalar haqida batafsil ma’lumotlar yo‘q.
Avvalroq Niderlandiyada tashlandiq Range Rover’lar “qabristoni” topilgani, Varshava yaqinida o‘nlab eski avtomobillar chirib borayotgani, Rossiyada tashlandiq “inomarkalar” qabristoni aniqlangani to‘g‘risida xabar berilgandi.
Izoh (0)