Qashqadaryo viloyati Shahrisabz tumanining qor yog‘ganda 10 kunlab tashqi dunyodan uzilib qoladigan qishlog‘i — Ko‘lga olib boruvchi yo‘lda ko‘chki sodir bo‘ldi. Bu haqda tuman hokimligi axborot xizmati ma’lum qildi.
Ma’lum bo‘lishicha, ko‘chki 2021-yilning 9-may kuni ertalab sodir bo‘lgan.
“Ko‘l qishlog‘iga olib boruvchi 90 kilometr yo‘lning 62-kilometrida kuchli va keng hajmdagi ko‘chki ro‘y berdi. Beshta o‘rta kattalikdagi ko‘chki oqibatlarini bartaraf etish uchun aholi tomonidan ham tashabbus ko‘rsatildi. Hokimlik tomonidan esa texnikalar jalb etildi, yoqilg‘i zaxirasi shakllantirildi. Hashar yo‘li bilan yo‘l ta’mirlandi”, — deyiladi hokimlik axborot xizmati xabarida.
“Daryo” muxbiri bilan suhbatlashgan tuman hokimi Samad Hasanovning matbuot kotibi Bahodir Halimovga ko‘ra, voqea joyiga yetib borgan hokim kuni bilan hududda bo‘lgan va barcha ishlarda bosh-qosh bo‘lgan.
Mavzuga doir:
- Qor yog‘sa, tashqi dunyodan uzilib qoladigan Shahrisabzdagi qishloq aholisiga va’da qilingan yo‘ltanlamas tez yordam mashinasi topshirildi
- Qalin qor yog‘sa, tashqi dunyodan uzilib qoladigan Shahrisabzning Ko‘l qishlog‘ida oxirgi 2–3 yilda oilaviy ajrimlar kuzatilmagan
- Shahrisabzning Ko‘l qishlog‘ida 2 metr qor yog‘di: 10 kunga “dunyodan uzilib qolgan” qishloq ahli qanday hayot kechirdi?
Izoh (0)