Қашқадарё вилояти Шаҳрисабз туманининг қор ёққанда 10 кунлаб ташқи дунёдан узилиб қоладиган қишлоғи — Кўлга олиб борувчи йўлда кўчки содир бўлди. Бу ҳақда туман ҳокимлиги ахборот хизмати маълум қилди.
Маълум бўлишича, кўчки 2021 йилнинг 9 май куни эрталаб содир бўлган.
«Кўл қишлоғига олиб борувчи 90 километр йўлнинг 62-километрида кучли ва кенг ҳажмдаги кўчки рўй берди. Бешта ўрта катталикдаги кўчки оқибатларини бартараф этиш учун аҳоли томонидан ҳам ташаббус кўрсатилди. Ҳокимлик томонидан эса техникалар жалб этилди, ёқилғи захираси шакллантирилди. Ҳашар йўли билан йўл таъмирланди», — дейилади ҳокимлик ахборот хизмати хабарида.
«Дарё» мухбири билан суҳбатлашган туман ҳокими Самад Ҳасановнинг матбуот котиби Баҳодир Ҳалимовга кўра, воқеа жойига етиб борган ҳоким куни билан ҳудудда бўлган ва барча ишларда бош-қош бўлган.
Мавзуга доир:
- Қор ёғса, ташқи дунёдан узилиб қоладиган Шаҳрисабздаги қишлоқ аҳолисига ваъда қилинган йўлтанламас тез ёрдам машинаси топширилди
- Қалин қор ёғса, ташқи дунёдан узилиб қоладиган Шаҳрисабзнинг Кўл қишлоғида охирги 2–3 йилда оилавий ажримлар кузатилмаган
- Шаҳрисабзнинг Кўл қишлоғида 2 метр қор ёғди: 10 кунга «дунёдан узилиб қолган» қишлоқ аҳли қандай ҳаёт кечирди?
Изоҳ (0)