Futbol bo‘yicha Fransiya chempionatining 36-turida “PSJ” 9-may, yakshanba kuni “Renn” maydonida mehmon bo‘ldi.
Bellashuvda Neymar birinchi bo‘limga qo‘shib bergan daqiqalarda 11 metrlik jarima zarbasini muvaffaqiyatli amalga oshirib, hisobni ochdi. Ikkinchi bo‘limning 70-daqiqasiga kelib, Seru Girassi muvozanatni tikladi va jamoasini mag‘lubiyatdan qutqarib qoldi.
Shu tariqa “PSJ” mehmondagi bahsda ochko yo‘qotib, o‘zi uchun chempionlik masalasini og‘irlashtirdi. Jamoa musobaqa tugashiga 2 tur qolganida peshqadam “Lill”dan 3 ochkoga ortda qolmoqda.
“Monako” safarda Elio Matazoning goli evaziga “Reyms”dan ustun keldi.
Liga 1
36-tur bahsi
9-may, yakshanba
“Renn” – “PSJ” 1:1
Gollar: 0:1 – 45+6, penalti Neymar, 1:1 – 70 Girassi.“Renn”: Gomis, Agerd, Da Silva, Mauassa (Dalbert, 78), Traore (Soppi, 90), Burijo, Ugoshukvu (Grenye, 61), Doku, Te, Terye (Diuf, 79), Girassi (Del Kastiyo, 90).
“PSJ”: Navas, Kimpembe, Dagba (Florensi, 80), Kurzava (Diallo, 55), Markinyos, Danilu Pereyra, Errera (Guye, 70), di Mariya (Rafinya, 69), Draksler (Ikardi, 80), Kin, Neymar.
Ogohlantirishlar: Agerd (45), Errera (57), Diuf (80), Del Kastiyo (89), Te (90).
Chetlatish: Kimpembe (87).
Izoh (0)