Respublika davlat boshqaruv organlarida (vazirliklar, qo‘mitalar, agentliklar va hokazo) 2021-yil 1-avugustdan xizmat maqsadlarida autsorsing shartlari asosida avtobus, taksi va boshqa avtotransport vositalari xizmatidan foydalanish tizimi joriy etiladi. Bu haqda Vazirlar Mahkamasining 29-apreldagi tegishli qarorida so‘z boradi.
Bundan tashqari, autsorsing shartlari asosida avtotransport vositalarini jalb etish tashkilotning har 100 nafar boshqaruv va ishlab chiqarish xodimiga 1 ta avtotransport vositasi jalb etilishi mumkin. Bunda ularning yillik litimi navbatchi xizmat avtotransport vositasi uchun belgilangan yo‘l bosish yillik limitidan — 24 640 kilometrdan oshmasligi lozim.
Qarorga ko‘ra, tashkilot balansida navbatchi avtomobil bo‘lsa, bosib o‘tilgan yo‘l yillik limit hisobidan chiqarib tashlanadi.
Autsorsing shartlariga muvofiq bu kabi mashinalarni jalb etish uchun mablag‘lar davlat budjetidan navbatchi transport modellari uchun belgilangan mablag‘ miqdorida ajratiladi (BHMning 700 baravari — 171,5 million so‘m).
Avvalroq O‘zbekistonda xizmat mashinalari davlat xizmatchilariga shaxsan biriktirilishi haqida xabar berilgandi.
Mavzuga doir: O‘zbekistonda davlat idoralari xodimlariga xizmat mashinalaridan ishdan tashqari vaqtda foydalanish taqiqlanishi mumkin
Izoh (0)